बैतडी । बैतडीमा कार (अल्टो) दुर्घटना हुँदा दुईजना घाइते भएका छन् । धनगढीबाट गोकुलेश्वर जाँदै गरेको सुदूरपश्चिम प्रदेश ०१००१ च ३८२१ नम्बरको कार महाकाली राजमार्ग अन्तर्गत बैतडीको सतबाँझ–गोकुलेश्वर सडकखण्डको खोचलेक नजिक दुर्घटनामा परेको हो।

दुर्घटनामा परि कार चालक बैतडीको दशरथचन्द नगरपालिका– १ गुरूखोलाका नरेन्द्र भट्ट र दार्चुलाको शैल्यशिखर नगरपालिका– ९ का शेर बहादुर बोहरा घाइते भएका छन् ।

बैतडी प्रहरीका अनुसार उनीहरूलाई उपचारका लागि डडेल्धुरा पठाइएको छ । कार दुर्घटनाको कारण खुलेको छैन। सडकबाट कार एक सय ५० मिटर तल खसेको छ ।

जिल्ला प्रहरी कार्यालय बैतडीले घटनाको विषयमा थप अनुसन्धान गर्दै छ ।