बझाङमा कृत्रिम अभ्यास देखाउने क्रममा डुबेर सशस्त्रका जवानको मृत्यु
बझाङ । बझाङमा बाढी र त्यसले पार्ने क्षति न्यूनीकरण गर्न देखाउन लागिएको कृत्रिम अभ्यास देखाउने क्रममा डुबेर सशस्त्र प्रहरी बलका जवानको मृत्यु भएको छ ।
जिल्लाकै केदारस्युँ गाउँपालिका–७ घर भएका शशस्त्र प्रहरी जवान नरेन्द्र सिंह धामीको मृत्यु भएको हो ।
सोमबार बिहान सेती नदीमा जिल्लास्थित सुरक्षा बलको संयुक्त सिमुलेशनका क्रममा उनी डुबेका थिए । बेहोस अवस्थामा फेला परेका उनीलाई तुरुन्तै उद्धार गरेर उपचारका लागि जिल्ला अस्पताल बझाङमा लगिएको थियो । तर, अस्पतालले उनीलाई मृत घोषणा गरेको जिल्ला प्रहरी कार्यालय बझाङले जनाएको छ ।
प्रकाशित मिति: सोमबार, जेठ २८, २०८१ ११:०४
प्रतिक्रिया दिनुहोस्
थप समाज
साताको लोकप्रीय
