डडेल्धुरा । डडेल्धुराको नवदुर्गा गाउँपालिका–४ का ग्रामीण भेगमा विद्युतकाे पहुँच पुगेको छ। गाउँपालिका-४ का ककडपानी, खटौटे लगाएतका लेकाली गाउँमा बिजुली पुगाउन सफल भएकाे पुगेको गाउँपालिका अध्यक्ष लक्ष्मीप्रसाद अवस्थीले बताए ।
हिजाे(मंगलबार) एक कार्यक्रमकाबीच अध्यक्ष वस्थीले विद्युतको स्वीच थिचेर उद्घाटन गरेका थिए । विगत चार वर्षदेखिको अथक प्रयास पश्चात् गाउँमा बिजुली बाल्न सफल भएको उनले बताएका छन् । उनकाअनुसार बाँकी रहेको ठाउँमा पनि लगत्तै विद्युत विस्तार हुने छ ।
सोलार, टुक्की तथा झोराको भरमा जीवन निर्वाह गरेका त्यहाँका नागरिकहरू विद्युत् पुगेपछि भने खुसी भएका छन् ।
आर्थिक वर्ष २०७८/७९ मा करिब ५० लाख रुपियाँको लागतमा गाउँमा बिजुली बलेको हो । विसं २०७८ को अन्त्यमै विद्युत् विस्तारको काम सक्ने गरेर दुई वटा निर्माण कम्पनीसँग ठेक्का सम्झौता भएको थियो । नेपाल विद्युत् प्राधिकरण वितरण केन्द्र जिल्ला कार्यालय प्रमुख रमेश अवस्थीले पोल गाडेर ठेकेदार बेपत्ता भएकाले ढिला भएको बताए ।
