डडेल्धुरा । डडेल्धुरामा निर्धारण गरिएको जिल्ला दररेटको विरोध भएको छ । आर्थिक वर्ष २०८१रण्८२ का लागि जिल्ला दररेट निर्धारण गर्दा एकलौटी रुपमा गरिएको आरोप लागेको हो । सोमबार एक प्रेस विज्ञप्ति जारी गर्दै जिल्लाका व्यवसायिक संघसंस्थाहरू जिल्ला दररेटप्रति आपत्ति जनाएका हुन् ।
डडेल्धुरा उद्योग वाणिज्य संघका अध्यक्ष द्विजराज भट्ट, निर्माण व्यवसायी संघका अध्यक्ष भवानीदत्त अवस्थी र डडेल्धुरा हार्डवेयर संघका अध्यक्ष लालमणी पन्तले संयुक्त प्रेस विज्ञप्तिमार्फत् व्यवसायिक संघसंस्थाहरूलाई वेवास्ता गरी एकहोरो रूपमा जिल्ला दररेट निर्धारण गर्ने कार्य गरेको भन्दै आपत्ति जनाएका छन् ।
जिल्ला दररेट कायम गर्दा उत्पादनस्थल तथा कैलाली जिल्लाको दररेटलाई आधार मानेर निर्धारण गर्दा पनि भाडा तथा अन्य लोडिङ, अनलोडिङ र स्थानीय व्यवसायिक मार्जिनसमेत संलग्न गरी वैज्ञानिक दररेट निर्धारण गराउन जिल्ला दररेट समितिलाई अनुरोध गरिएको छ।
डडेल्धुराका व्यवसायिक संघसंस्थाका प्रतिनिधिहरू उक्त विज्ञप्ति प्रमुख जिल्ला अधिकारी अधिकारी अञ्जन न्यौपानेलाई समेत बुझाएका छन् ।
