बाजुरा, अछाम र डोटीसहित १३ जिल्लामा बाढीको जोखिम, उच्च सतर्कता अपनाउन आग्रह
काठमाडौं । आज देशका १३ जिल्ला आसपासका क्षेत्रमा बाढीको जोखिम रहेकाले उच्च सतर्कता अपनाउन जल तथा मौसम विज्ञान विभागको बाढी पूर्वानुमान महाशाखाले सुझाव दिएको छ ।
बाढी महाशाखाका अनुसार आज दोलखा, सिन्धुपाल्चोक, गोरखा, लमजुङ, कास्की, डोल्पा, जाजरकोट, रुकुम–पश्चिम, बाजुरा, अछाम, डोटी र आसपासका जिल्ला भई बहने अधिकांश ससाना नदीमा बहाव उल्लेख्य बढ्ने तथा केहीमा आकस्मिक बाढीको मध्यम जोखिम रहनेकाले उच्च सावधानी आवश्यक छ ।
यसैगरी आज संखुवासभा, कैलाली र आसपासका जिल्ला भई बहने अधिकांश ससाना नदीमा पनि बहाव उल्लेख्य बढ्ने भएकाले उच्च सतर्कता अपनाउन आग्रह गरिएको छ ।
प्रकाशित मिति: बिहीबार, साउन ३, २०८१ १०:४४
प्रतिक्रिया दिनुहोस्
साताको लोकप्रीय
