आगामी तीन दिन महाकाली र पश्चिम सेतीकाे जलसतह उल्लेख्य बढ्ने, सतर्कता अपनाउन अनुरोध
काठमाडौं । आगामी तीन दिन महाकाली र यसका प्रमुख सहायक नदीहरूमा जलसतह उल्लेख्य बढ्ने पूर्वानुमान गरिएको छ ।
साथै, कर्णालीको सहायक नदी भेरी र पश्चिम सेती नदीको जलसतह पनि उल्लेख्य बढ्ने बाढी पूर्वानुमान महाशाखाले जनाएको छ । नदी तटीय क्षेत्रका क्रियाकलापमा उच्च सतर्कता अपनाउन अनुरोध गरेको छ ।
आज सिन्धुपाल्चोक, रसुवा, नुवाकोट, कास्की, पर्वत, म्याग्दी, रुकुम पूर्व, डोटी, डडेलधुरा, कैलाली, कञ्चनपुर र आसपासका जिल्ला भई बहने अधिकांश स–साना नदीमा बहाव उल्लेख्य बढ्ने जनाइएको छ । केही स–साना नदीमा आकस्मिक बाढीको मध्यम जोखिम रहने पूर्वानुमान गरिएको छ ।
प्रकाशित मिति: सोमबार, साउन ७, २०८१ ११:१०
प्रतिक्रिया दिनुहोस्
साताको लोकप्रीय
