त्रिभुवन विमानस्थलभित्रै सौर्य एयरलाइन्सको जहाजमा आगलागी
काठमाडौ । त्रिभुवन अन्तर्राष्ट्रिय विमानस्थलमा सौर्य एयरलाइन्सको विमानमा आगलागी भएको छ । बुधबार करिब ११ बजे सौर्य एयरलाइन्सको जहाज पोखराका लागि रनवेबाट उड्ने क्रममा दुर्घटनामा परेको प्रत्यक्षदर्शीले बताएका छन् ।
विमानस्थलका प्रवक्ता प्रेमनाथ ठाकुरका अनुसार त्रिभुवन विमानस्थलबाट पोखरा उड्ने क्रममा सौर्यको जहाज दुर्घटनामा परेको हो । उक्त विमानमा चालक दलका सदस्यसहित १९ जना रहेको उनले बताए । जहाज रनवेभन्दा बाहिर पुगेको छ । ठूलो विस्फोटनको आवाजसँगै विमानस्थलमा धुँवाको मुस्लो देखिएको छ । अग्नि नियन्त्रक र सुरक्षाकर्मीहरुको टोली नियन्त्रणको प्रयासमा छन् ।
बिस्तृत विवरण आउन बाँकी ।
प्रकाशित मिति: बुधबार, साउन ९, २०८१ ११:३२
प्रतिक्रिया दिनुहोस्
साताको लोकप्रीय
