सुदूरपश्चिमका मुख्यमन्त्री शाहले पाए दुई तिहाइ मत
कैलाली । सुदूरपश्चिम प्रदेशका मुख्यमन्त्री कमलबहादुर शाहले विश्वासको मत पाएका छन् । आजको प्रदेशसभा बैठकमा उनले विश्वासको मत मागेका थिए ।
उनलाई कांग्रेसका १८, एमालेका ११ र नागरिक उन्मुक्ति पार्टीका ७ जनाले विश्वासको मत दिएका हुन् ।
आजको बैठकमा ४५ सांसद उपस्थित थिए । शाहको पक्षमा ३६ मत आउँदा विपक्षमा ८ मत परेको थियो । तटस्थमा १ मत परेको थियो ।
सुदूरपश्चिम प्रदेशमा ५३ जना सांसद छन् । कांग्रेस, एमाले र नाउपाले पक्षमा मतदान गर्दा नेकपा एकीकृत समाजवादीका ४ र माओवादी केन्द्रका ४ जनाले विपक्षमा मतदान गरेका थिए ।
माओवादीका ६ सांसद उपस्थित भएनन् । स्वतन्त्र १ सांसदले कतै मत दिएनन् ।
प्रकाशित मिति: बुधबार, साउन ३०, २०८१ १८:५१
प्रतिक्रिया दिनुहोस्
थप राजनीति
साताको लोकप्रीय
