डडेल्धुरा । डडेल्धुराको अजयमेरु गाउँपालिका वडा नम्बर ६ मा खुल्ला पुरुष भलिबल प्रतियोगितासँगै सांस्कृतिक कार्यक्रम हुने भएको छ ।
स्थानीय स्तरमा रहेका खेल प्रतिभालाई उजागर गरि राष्ट्रिय तथा अन्तराष्ट्रिय खेलाडीहरुको उत्पादन गर्नुका साथै स्थानीय कला संस्कृतिको जगेर्ना गर्ने उद्देश्यले वडा कार्यालयले ती कार्यक्रम आयोजना गर्न लागेको हो ।
वडाअध्यक्ष हरि सिंह भण्डारीका अनुसार कात्तिक ९ गतेदेखि ११ गतेसम्म प्रतियोगिता सञ्चालन हुनेछ ।
उक्त प्रतियोगितामा प्रथम हुनेलाई नगद ९९ हजार ९९९, द्वितीय हुनेलाई ५५ हजार ५५५, तृतिय हुनेलाई ३३ हजार ३३३ र सान्तोना पुरुस्कार ११ हजार १११ प्रदान गरिने वडाध्यक्ष भण्डारीले बताए । ती सबै टीमलाई मेडल, प्रमाणपत्र र ट्रफि पनि प्रदान गरिने उनले बताए ।
यस्तै सर्वोष्कृट खेलाडीलाई ५ हजार ५५५, सर्वोष्कृट स्पाइकरलाई ३ हजार ३३३, सर्वोष्कृट लिफ्टरलाई ३ हजार ३३३ र सर्वोष्कृट सेटरलाई पनि ३ हजार ३३३ प्रदान गरिने आयोजकले बताएको छ ।
साथै प्रतियोगिता अवधिभर स्थानीय तथा राष्ट्रिय कलाकारहरुले आफ्नो प्रस्तुतिसमेत दिने वडाअध्यक्ष हरि सिंह भण्डारीले जानकारी दिए ।
प्रतियोगिता वडा नम्बर ६ को चेतना मावि राजुलमा सञ्चालन हुनेछ भने प्रतियोगितमा प्रवेश शुल्क ३ हजार ३३३ तोकिएको छ ।
