डडेल्धुरा । डडेल्धुरामा भोलिदेखि  जिल्ला स्तरीय खुल्ल पुरुष फुटबल प्रतियोगिता आयोजना हुने भएको छ ।  जिल्ला सदरमुकामको टुँडिखेलमा जय बाबा घटाल क्लबले १५औँ संस्करणको फुटबल प्रतियोगिता आयोजना गर्न लागेको हो । 

क्लबले प्रत्येक वर्ष आयोजना गर्दे आएको जिल्ला स्तरीय खुल्ला पुरुष फुटबल प्रतियोगिताको यस वर्ष  प्रथम  पुरुस्कार  ४५ हजार रुपैयाँ रहेको अध्यक्ष विकास भण्डारीले जानकारी दिए ।  यस्तै द्धितिय पुरस्कार २० हजार रुपैयाँ रहेको छ । विजेता र उपविजेता टिमलाई ट्रफीसँगै प्रमाणपत्र र मेडल पनि प्रदान गरिने उनले बताए । प्रतियोगिताका उत्कृष्ट खेलाडीहरूलाई पनि पुरुस्कारको व्यवस्था गरिएको छ ।

टीम दर्ताका लागि पाँच हजार रुपैयाँ शुल्क तोकिएको छ । यही प्रतियोगिताबाट १०औँ राष्ट्रिय खेलकुदका लागि खेलाडीसमेत छनौट गरिने बताइएको छ । प्रतियोगितामा सहभागिता जनाउने टीमका सबै खेलाडी जिल्लाभित्रको हुनुपर्ने छ ।