धनगढीदेखि बैतडी गइरहेको जिपबाट लागुऔषधसहित दुई युवक पक्राउ
कैलाली । धनगढीदेखि बैतडीतर्फ गइरहेको जिपबाट लागुऔषधसहित दुई युवक पक्राउ परेका छन् । बुधबार साँझ डोटीको जोरायल गाउँपालिका-२ भट्टेखोला बस्ने २४ वर्षका दीपक विष्ट र २४ वर्षकै गोविन्द विष्ट लागुऔषधसहित पक्राउ परेका हुन् ।
चुरे गाउँपालिका-३ स्थित अस्थायी प्रहरी पोष्ट खानिडाँडामा धनगढीबाट बैतडीतर्फ जाँदै गरेको सुपप्र०१ ००१ ज १४३४ नम्बरको जिपमा सवार उनीहरुलाई चेकजाँच गर्दा २ ग्राम ७९० मिलिग्राम लागुऔषध खैरो हिरोइन जस्तो देखिने धुलो पदार्थ फेला पारी नियन्त्रणमा लिएको जनाएको छ ।
उनीहरुमाथि थप अनुसन्धान भइरहेको प्रहरीले बताएको छ ।
प्रकाशित मिति: बिहीबार, कात्तिक ८, २०८१ १२:३४
प्रतिक्रिया दिनुहोस्
साताको लोकप्रीय
