डडेल्धुरा । डडेल्धुरामा मंसिर १ गतेदेखि जेसीज सप्ताह हुने भएको छ । डडेल्धुरा जेसीजको आयोजनामा १ गतेदेखि ८ गतेसम्म जेसीज सप्ताह हुने भएको हो ।
डडेल्धुरा जेसीजका अध्यक्ष लक्ष्मी ऐरका मंसिर १ गते कार्यक्रमको उद्घाटन तथा उग्रतारा मेलामा पानी वितरण गर्ने कार्यक्रम तय गरिएको छ । मंसिर २ गते उग्रतारा मन्दिरमा सरसफाई, ३ गते स्लो बाइक रेस प्रतियोगिता, ४ गते विपन्न परिवारका बालवालिकाहरुलाई शैक्षिक सामग्री वितरण गर्ने कार्यक्रम रहेको उनले बताइन् ।
मंसिर ६ देखि ८ गतेसम्म खुल्ला पुरुष भलिबल प्रतियोगिताको आयोजना गरिने डडेल्धुरा जेसीजले जनाएको छ ।
भलिबल प्रतियोगिताका लागि प्रथम पुरस्कार ५५ हजार ५५५, द्वितीय पुरस्कार २५ हजार ५२५, तृतीय पुरस्कार १५ हजार ५५५ नगदसहित ट्रफी, मेडल र प्रमाणपत्र प्रदान गरिने आयोजले जनाएको छ ।
सर्वोत्कृष्ट खेलाडी लाई ५ हजार तथा उत्कृष्ट स्पाइकर, उत्कृष्ट लिबरो र उत्कृष्ट ब्लकर लगायतका विधामा पनि पुरस्कार प्रदान गरिने जनाइएको छ ।
