डडेल्धुरा । डडेल्धुराको गन्यापधुरा गाउँपालिका–५ मा रहेको कोराल खेल मैदानमा यही कार्तिक १४ गतेदेखि  वडास्तरीय खुल्ला भलिबल प्रतियोगिता आयोजना हुने भएको छ । दुर्गा भगवती युवा क्लब कोरालले उक्त प्रतियोगिताको आयोजना गर्न लागेको हो ।

तिहारको अवसरमा  हुन लागेको उक्त प्रतियोगिताको प्रथम पुरस्कार ४१ हजार नगदसहित ट्रफी, मेडल र प्रमाणपत्र, द्वितीय पुरस्कार २१ हजार नगदसहित ट्रफी, मेडल र प्रमाणपत्र रहेको छ भने, तृतीय पुरस्कार ११ हजार नगदसहित ट्रफी, मेडल र प्रमाणपत्र रहेको खेल संयोजक राजेश मल्लले बताएका छन् ।

सहभागी हुनका लागि कार्तिक १३ गतेसम्म टिम दर्ता गर्नुपर्ने र टिम दर्ता शुल्क ३५ सय तोकिएको संयोजक मल्लले बताए ।
 प्रतियोगितामा उत्कृष्ट खेलाडी, उत्कृष्ट बलर, लिफ्टर र स्पाइकरलाई पनि पुरस्कारको व्यवस्था रहेको आयोजकले जनाएको छ ।