डडेल्धुरामा करिब साढे ४ लाख रुपैयाँसहित २८ जुवाडे पक्राउ
डडेल्धुरा । डडेल्धुरामा जुवा खेलिरहेका २८ जनालाई प्रहरीले पक्राउ गरेको छ । गएराति जिल्लाको गन्यापधुरा गाउँपालिका-३ गोयलखेतबाट उनीहरुलाई पक्राउ गरेको जिल्ला प्रहरी कार्यालय डडेल्धुराले जनाएको छ ।
पक्राउ परेकाहरुबाट ४ लाख ४१ हजार ८६९ रुपैयाँ नगद र १६ बुक तास बरामद गरेको प्रहरीले बताएको छ ।
प्रहरीले उनीहरुको नाम भने सार्वजनिक गरेको छैन । सबैलाई हिरासतमा लिएर अनुसन्धान गरिरहेको प्रहरीले जनाएको छ ।
प्रकाशित मिति: शुक्रबार, कात्तिक १६, २०८१ ०८:४२
प्रतिक्रिया दिनुहोस्
थप समाज
साताको लोकप्रीय
