दार्चुलामा तिर्थालु बोकेको जिप दुर्घटना हुँदा ६ जनाको मृत्यु
दार्चुला । दार्चुलामा शुक्रबार बिहान जिप दुर्घटना हुँदा ६ जनाको मृत्यु भएको छ ।
मालिकार्जुन धाममा लागिरहेको जात्राबाट फर्केर गोकुलेश्वरतर्फ गइरहेको म १ ज ३३८ नम्बर को बोलेरो जिप दुर्घटना हुँदा ६ जनाको मृत्यु भएको प्रारम्भिक विवरण आएको दार्चुला प्रहरी कार्यालयले जानकारी दिएको छ ।
तिर्थालु बोकेको जिप ग्वानीको बजानी नजिक सिराडको खोलामा जिप दुर्घटना भएको र मृतकहरूको सनाखत हुन बाँकी रहेको प्रहरीले जानकारी दिएको छ ।
जिप सडकबाट धेरै तल खसेकाले केही यात्रु घाइते भएको हुनसक्ने र रातिको समयमा दुर्घटना भएकाले उद्धार कार्यमा कठिनाइ भइरहेको प्रहरीले जनाएको छ ।
प्रकाशित मिति: शुक्रबार, कात्तिक ३०, २०८१ ०६:३८
प्रतिक्रिया दिनुहोस्
साताको लोकप्रीय
