डडेल्धुरा । डडेल्धुरामा सम्पन्न खुल्ला पुरुष भलिबल प्रतियोगिताको उपाधि जिएसएम बिल्डर्स प्रालि अजयमेरुले जितेको छ । शनिबार भएको फाइनल खेलमा अर्जुनवाण गण दह ब्यारेकलाई ३–२ को सेटमा पराजित गर्दै बिल्डर्सले उपाधि जितेको हो ।
उपाधिसँगै बिल्डर्सले ५५ हजार पाँच सय ५५ रुपैयाँ र दोस्रो स्थानमा चित्त बुझाएको अर्जुनवाण गणले २५ हजार पाँच सय २५ रुपैयाँ नगदसहित ट्रफी, मेडल र प्रमाणपत्र पाएको छ ।
प्रतियोगितामा तृतीय भएको ्मिसन निशान्त कालीज फर्मले १५ हजार पाँच सय ५५ नगदसहित ट्रफी, मेडल र प्रमाणपत्र पायो ।
जिएसएम बिल्डर्सका बलदेव धामी प्रतियोगिताको सर्वोत्कृष्ट खेलाडी घोषित भएका छन् । उनले पाँच हजार नगदसहित ट्रफी पाए । यस्तै, प्रतियोगितामा बेस्ट ब्लकर जिएसएम बिल्डर्सका भरत विक, बेस्ट सेटर बिल्डर्सकै सागर जैरु, बेस्ट स्पाइकर अर्जुनवाण गणका आशिक सुनार र बेस्ट डिफेन्डर सुदीप छन्त्याल बनेका छन् ।
डडेल्धुरा जेसीजले आयोजना गरेको जेसीज सप्ताहअन्तर्गत बुधबारदेखि प्रतियोगिता सुरु भएको थियो ।
