श्रीमतीमाथि कुटपिट गर्ने सुप विश्वविद्यालयका उपप्राध्यापक पक्राउ
कैलाली । सुदूरपश्चिम विश्वविद्यालयका एकजना उपप्राध्यापक पक्राउ परेका छन् । श्रीमती कुटपिटको आरोपमा विश्वविद्यालयको केन्द्रीय क्याम्पस महेन्द्रनगरमा कार्यरत उपप्राध्यापक पृथ्वीराज भट्टलाई प्रहरीले पक्राउ गरेको हो ।
शनिबार गोबरैयास्थित घरमै श्रीमती जयन्ती भट्टमाथि कुटपिट गरेको आरोपमा माइती पक्षले दिएको उजुरीका आधारमा उनलाई पक्राउ गरिएको प्रहरीले जनाएको छ ।
मदिरा सेवन गरेर भट्टले कुट्दा श्रीमती जयन्ती भट्ट गम्भीर घाइते भएकी थिइन् । जयन्तीको टाउको, हात, छातीमा गम्भीर चोट लागेको छ । उनको सेती प्रादेशिक अस्पतालमा उपचार भइरहेको जयन्तीका आफन्त वसन्त भट्टले बताए ।
प्रकाशित मिति: मंगलबार, मंसिर १८, २०८१ १०:३०
प्रतिक्रिया दिनुहोस्
थप समाज
साताको लोकप्रीय
