पदम जोरा,डडेल्धुरा । डडेल्धुराको परशुराम नगरपालिका– १ स्थित भागेश्वर माध्यमिक विद्यालय सलौनले अतिरिक्त कक्षा सञ्चालन गरेको छ ।
एसईइ र विद्यालयको समग्र शैक्षिक गुणस्तर सुधारका लागि थप कक्षा सञ्चालन गरेको विद्यालयका प्रधानाध्यापक करविर सिंह बोहराले बताए ।
सामुदायिक विद्यालयको नतिजा उकास्न अफूहरु लागिपरेको विद्यालय व्यवस्थापन समिति अध्यक्ष दानबहादुर ठगुन्नाले जानकारी दिए। उनका अनुसार विद्यालयको आन्तरिक स्रोतबाट विद्यालयमा छात्रावास सञ्चालन गरिएको छ ।
२४ जना विद्यार्थी एसइई सहभागी रहेका छन् भने २२ जना विद्यार्थी छात्रावासमा बसिरहेको अध्यक्ष ठगुन्नाले बताए । विद्यार्थीहरुलाइ विशेष गरेर गणित, विज्ञान र अङ्ग्रेजी विषयका थप कक्षा सञ्चालन भइरहेको शिक्षक तिर्थ उप्रेतीले जानकारी दिए ।
कक्षा ३ देखि १० सम्म अतिरिक्त कक्षा समेत सञ्चालनमा रहेको प्रधानाध्यापक बोहराले बताए ।
