बाजुरामा स्कारपियो दुर्घटना हुँदा एकजनाकाे मृत्यु, चार घाइते
बाजुरा । सदरमुकाम मार्तडी स्कारपियो जीप दुर्घटना हुँदा एकजनाको मृत्यु भएको छ । जिल्ला प्रहरी कार्यालयका अनुसार मृत्यु हुनेमा कञ्चनपुरकी ३१ वर्षीया गायत्री पन्त रहेकी छन् ।
यस्तै, दुर्घटनामा परेर चार जना घाइते भएका छन् । बाजुराको गौमुल गाउँपालिकाका २५ वर्षीय रमेश धामी, कञ्चनपुरको भीमदत्त नगरपालिका–१७ का ३९ वर्षीय लोकेन्द्र पन्त, भीमदत्त नगरापलिका–१८ की ५२ वर्षीया राधिका भट्ट र कञ्चनपुरको गुलरियाका मोहनदेव भट्ट रहेका छन् ।
घाइते चारै जनाको जिल्ला अस्पताल बाजुरामा उपचार भइरहेको छ । आइततबार दिउँसो सुपप्र ०१–००१ च ४३१६ नम्बरको स्कारपियो बडीमालिका नगरपालिका–८ मा दुर्घटनामा परेको हो । जीप कोल्टीदेखि मार्तडी गइरहेको थियो । दुर्घटनाको कारण खुलेको छैन ।
प्रकाशित मिति: आइतबार, मंसिर २३, २०८१ १४:५१
प्रतिक्रिया दिनुहोस्
थप समाज
साताको लोकप्रीय
