सुदूरपश्चिम रोयल्ससँग हारे पनि कर्णाली प्ले अफमा, काठमाडौं बाहिरियो
काठमाडौं । सुदूरपश्चिम रोयल्सले नेपाल प्रिमियर लिग (एनपीएल) क्रिकेटमा अब क्वालिफायर खेल्ने भएको छ । सोमबार टियु क्रिकेट मैदानमा भएको खेलमा कर्णाली याक्समाथि ६ विकेटको सानदार जित दर्ता गर्दै सुदूरपश्चिमले शीर्ष स्थान पक्का गरेको हो । अब उसले क्वालिफायर खेल्ने छ । यता कर्णाली पनि हारका बाबजुद प्ले अफमा पुगेको छ ।
एनपिएलको प्लेअफमा पुग्नै चार वटै टोलीको टुंगो लागेको छ । १० अंक रहेको जनकपुर बोल्ट्ससँगै आठ अंक जोडेको चितवन राइनोज पनि प्लेअफमा पुगिसकेका छन् ।
सुदूरपश्चिमको यो जितले काठमाडौं गुर्खाज भने एनपीएलबाट बाहिरिएको छ । १०२ रनको लक्ष्य सुदूरपश्चिमले १५.२ ओभरमा विकेटको ४ क्षतिमा पूरा गरेकाे थियाे ।
प्रकाशित मिति: सोमबार, पुस १, २०८१ १२:१२
प्रतिक्रिया दिनुहोस्
साताको लोकप्रीय
