ललितपुरमा २३ वर्षीय विद्यार्थीको चक्कु हानेर हत्या, डडेल्धुराका भट्ट पक्राउ
काठमाडौं- ललितपुरमा एक विद्यार्थीको हत्या भएको छ । च्यासलस्थित टाउन हब रेस्टुरेन्टमा भएको विवादका क्रममा भएको चक्कु प्रहारबाट इन्जिनियरिङ अध्ययनरत २३ वर्षीय नयन गुरुङको हत्या भएको हो ।
गएराति उक्त रेस्टुरेन्टमा साथीहरूसँगै गएका नयनलाई रेस्टुरेन्टका कर्मचारी डडेल्धुरा स्थायी घर भएका हेमराज भट्टले चक्कु प्रहार गरेको प्रहरीले जनाएको छ । घटनामा संलग्न रहेको आरोपमा रेष्टुरेन्टकै कर्मचारी २६ वर्षीय भट्ट, काभ्रेका २२ वर्षीय जनकबहादुर तामाङ र दार्चुलाका ४१ वर्षीय पदमलाल भट्ट पक्राउ परेका छन् ।
काउन्टरमा रहेका भट्टले चक्कु प्रहार गर्दा उनको मृत्यु भएको जिल्ला प्रहरी परिसर ललितपुरले जनाएकाे छ । बिल तिर्ने विषयलाई लिएर विवाद हुँदा घटना भएको प्रहरीले जनाएको छ ।
मृतक गुरुङ ललितपुरकै हिमालय कलेजको बीई चौथो सेमेस्टरमा अध्ययनरत थिए ।
प्रकाशित मिति: मंगलबार, पुस ९, २०८१ ११:५६
प्रतिक्रिया दिनुहोस्
साताको लोकप्रीय
