Paschim Express
भारत जान्छु भन्दै डडेल्धुराबाट हिँडेका खडायत कञ्चनपुरमा मृत फेला

डडेल्धुरा । डडेल्धुरा आलितालका एक युवक कञ्चनपुरमा मृत फेला परेका छन् । आलिताल गाउँपालिका वडा नम्बर ५ गोलेथर बस्नेअन्दाजी २० वर्षीय कृष्ण खडायत कञ्चनपुरमा मृत फेला परेको कञ्चनपुर प्रहरीले जनाएको छ ।

खडायत घरबाट भारत जान्छु भन्दै श्रीमतीसँगै हिँडेका थिए । तर, सिमानाकामा आवश्यक कागजात देखाउन नसकेपछि  खडायत दम्पत्तिलाई फर्काइएको थियो ।  त्यसपछि खडायत परिवार कञ्चनपुरको पुनर्वास नगरपालिका–१० सिद्धदेवी टोलमा आफ्ना काकाको घरमा पुगेका थिए । पारिवारिक जानकारी अनुसार श्रीमान–श्रीमतीको सामान्य झगडा परेको थियो । त्यसपछि कृष्ण मृत फेला  परेका हुन् ।  

खडायतको शव  पोस्टमार्टमको लागि धनगढीको सेती प्रादेशिक अस्पताल लगिएको छ ।

प्रकाशित मिति: बुधबार, पुस १०, २०८१  ११:३६
प्रतिक्रिया दिनुहोस्
Weather Update