डोटी । डोटीमा कार्यरत एक प्रहरी सहायक हवल्दारको मृत्यु भएको छ । डडेल्धुराको भागेश्वर गाउँपालिका-२ घर भइ हाल इलाका प्रहरी कार्यालय बिपिनगरमा कार्यत प्रहरी सहायक हवल्दार बहादुरसिंह पालीको मृत्यु भएको हो । 

जिल्ला प्रहरी कार्यालय डोटीका अनुसार  उनी बिहान ३ बजेदेख ६ बजे सम्मको कार्यालय ड्युटीमा थिए । ड्युटीमै भएको बेला एक्कासी छाति दुखेर बेहोस भएपछि उनलाई उपचारको लागि तत्काल स्थानीय बिपीनगर पोलिक्लिनकमा लगिएको थियो । त्यहाँ सामान्य चेकजाँचपश्चात थप उपचारको लागि बिहान ४ बजे सेती प्रादेशिक अस्पताल धनगढीको लागि रेफर गरिएको थियो । 

तर, सेती प्रादेशिक अस्पताल धनगढीमा साढे ६ बजेतिर पुर्‍याइएका उनलाई ६ बजेर ४० मिनेटमा चिकित्सकले मृत घोषणा गरेको प्रहरीले जनाएको छ ।