बझाङमा भालुको आक्रमणबाट एक महिला गम्भीर घाइते, काठमाडौं रेफर
बझाङ । बझाङमा भालुको आक्रमणबाट एक महिला गम्भीर घाइते भएकी छिन् । खप्तडछान्ना गाउँपालिका–४, माझी गाउँकी २८ वर्षीया अंगिरा रोकायालाई बुधबार बिहान ८ बजेको समयमा भालुले आक्रमण गरेको हो ।
रोकाया वेडेभुवा जंगलमा घाँस काट्ने क्रममा भालुको आक्रमणमा परेकी हुन् । भालुको आक्रमणबाट उनको अनुहार र शरीरका विभिन्न भागमा गहिरो चोट लागेको छ ।
गम्भीर घाइते भएकी रोकायलाई तत्कालै जिल्ला अस्पताल बझाङमा उपचारका लागि पुर्याइएको थियो । उनको अवस्था गम्भीर भएपछि चिकित्सकको टोलीले आवश्यक उपचार गरि थप उपचारका लागि उनलाई काठमाडौं रेफर गरेको छ ।
प्रकाशित मिति: बुधबार, माघ ९, २०८१ १४:०१
प्रतिक्रिया दिनुहोस्
साताको लोकप्रीय
