बैतडीमा ड्युटी जाँदै गर्दा भिरबाट लडेर प्रहरी हवल्दारको मृत्यु
बैतडी । बैतडीमा भिरबाट लडेर प्रहरी हवल्दारकाे मृत्यु भएकाे छ ।
जिल्लाकाे डिलाशैनी गाउँपालिका- ३ को सिमार प्रहरी चौकीमा कार्यरत प्रहरी हवल्दार लोकेन्द्र बहादुर खडायतको भीरबाट लडेर मृत्यु भएकाे हाे।
दार्चुलाको शैल्यशिखर नगरपालिका-१ बारिल घर भएका प्रहरी हवल्दार खडायत बुधवार बेलुकी घरबाट कार्यालय गइरहेका बेला बारिलमै भिरबाट लडेर गम्भीर घाइते भएका थिए।
तत्काल उनलाई गोकुलेश्वर अस्पताल लगिएपनि डाक्टरले मृत घाेषणा गरेको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेले जानकारी दिए ।
मृतक खडायतकाे शव गोकुलेश्वर अस्पतालमै राखिएको छ । घटनाबारे प्रहरीले थप अनुसन्धान गरिरहेकाे छ ।
प्रकाशित मिति: बिहीबार, फागुन ८, २०८१ ११:१७
प्रतिक्रिया दिनुहोस्
थप समाज
साताको लोकप्रीय
