कञ्चनपुर । कञ्चनपुरमा सवारी चालक अनुमतिपत्रको लिखित परीक्षामा नक्कली परीक्षार्थी र परीक्षा दिन लगाउने दुई जना पक्राउ परेका छन् । यातायात व्यवस्था कार्यालय कञ्चनपुरले शनिबार आयोजना गरेको परीक्षा क्रममा बेदकोट नगरपालिका-६ का सुवास डगौरा र बेदकोट-५ का अस्मित डगौरा पक्राउ परे ।
जिल्ला प्रहरी कार्यालयका सूचना अधिकारी र प्रहरी निरीक्षक जमुना जोशीका अनुसार, सुवास डगौराले अस्मितलाई परीक्षामा सामेल गराएका थिए । साथै, भीमदत्त नगरपालिका-६ का अमरसिंह धामीलाई पनि फर्जी हाजिरी लगाई परीक्षा दिने क्रममा पक्राउ गरिएको छ ।
यी तीन जनाले अरूको नाममा हाजिर गरि परीक्षा दिएका थिए। कञ्चनपुर प्रहरी कार्यालयको सहयोगमा उनीहरूलाई पक्राउ गरी कारबाहीको लागि जिल्ला प्रहरी कार्यालयलाई जिम्मा लगाइएको यातायात कार्यालय कञ्चनपुरका प्रमुख तर्कराज भट्टले बताए।
प्रहरीले घटनाको बारेमा थप अनुसन्धान गरिरहेको जानकारी पनि दिइएको छ ।
