धनगढी, कैलाली । धनगढी उपमहानगरपालिकाका मेयर गोपाल हमालका समर्थकहरुले पत्रकारलाई धम्क्याएको घटनामा नेपाल पत्रकार महासंघले आपत्ति जनाएको छ । पश्चिम टुडे दैनिकका प्रधान सम्पादक दीर्घराज उपाध्यायले मेयर हमालका समर्थकबाट धम्की प्राप्त भएको भन्दै पत्रकार महासंघमा निवेदन दिएका छन् ।
नेपाल पत्रकार महासंघ कैलाली शाखा र पत्रकार महासंघ सुदूरपश्चिम प्रदेश समितिले यस घटनामा ध्यानाकर्षण गर्दै दोषीलाई कारबाहीको माग गरेका छन् । दुवै समितिले विज्ञप्ति जारी गर्दै उपाध्यायको सुरक्षामा तिव्र ध्यान दिन र जिम्मेवारलाई कारबाही गर्नुपर्ने बताए ।
उपाध्यायले मेयर गोपाल हमालको विषयमा प्रकाशित समाचार र लेखको कारण धम्की आएको आरोप लगाएका छ न्। यस विषयमा उनले जिल्ला प्रशासन कार्यालय कैलालीमा उजुरी दिएका छन् र सुरक्षाको लागि प्रमुख जिल्ला अधिकारी गोगन हमालसँग निवेदन पनि दिएका छन् ।
