Paschim Express
बैतडीको एक होटलमा पुरुष मृत फेला

बैतडी । बैतडीको मेलौली नगरपालिका–७ को एक होटलमा एक जना पुरुष मृत अवस्थामा फेला परेका छन् ।

मंगलवार मेलौली–१ का ५५ वर्षीय तेजसिंह मृत फेला परेको प्रहरीले जनाएको छ । जिल्ला प्रहरी कार्यालय बैतडीका प्रवक्ता बलदेव बडूका अनुसार होटलमा सुतिरहेको अवस्थामा तेजसिंह मंगलवार बिहान मृत भेटिएका हुन् ।

सोमवार राति उनी उक्त होटलमा खाना खाएर सुतेका थिए । केही समयदेखि काठमाडौं बस्दै आएका तेजसिंह भारतमा लागेको कुम्भमेला दर्शन गरी पूजापाठका लागि भन्दै मेलौली आएको प्रहरी निरीक्षक बडूले बताए । यस विषयमा अनुसन्धान भइरहेको प्रहरीले जनाएको छ ।

प्रकाशित मिति: बुधबार, फागुन १४, २०८१  १०:४३
प्रतिक्रिया दिनुहोस्
Weather Update