Paschim Express
टिकटक र रिल्समा भाइरल बाजुराकी राधिका अस्ताइन्

काठमाडौं ।  टिकटक र फेसबुक रिल्समा चर्चित मौलिक गीत गाएर भाइरल बनेकी राधिका बादीको निधन भएको छ । ४२ वर्षीय राधिकाको आइतबार बिहान कालिकोटको पलाता गाउँपालिका-४, थिरपुमा निधन भएको हो ।

कालिकोट प्रहरी प्रमुख टेक बहादुर रावतका अनुसार, राधिका पछिल्लो दुई दिनदेखि बिरामी थिइन्, र २०८१ फागुन १८ गते बिहान उनको मृत्यु भएको पुष्टि गरिएको छ ।

राधिका बादी र उनका श्रीमान् जोगेन्द्र बादी बाजुराको बडिमालिका नगरपालिका-२ का बासिन्दा हुन् । यो जोडी मौलिक लोकगीत गाएर जीविकोपार्जन गर्दै आएको थियो । विशेष गरी राधिकाको मादल बजाउने कला उत्कृष्ट मानिन्थ्यो, जसले सामाजिक सञ्जालमा धेरैको मन जितेको थियो ।  उाले मादल बजाएर 'नशा नशामा रगत रगतमा..' गाएकाे गीत भाइरल बनेकाे थियाे । 

राधिकाको निधनले कला प्रेमीहरू शोकमा छन् । सामाजिक सञ्जालमा उनका गीत तथा भिडियोहरू अझै पनि चर्चामा छन् ।  राधिकाको पहिलो घर बझाङमा भए पनि जोगेन्द्रसँग दोस्रो विवाहपछि उनी बाजुरामा बस्दै आएकी थिइन् । जोगेन्द्रको पहिलो श्रीमती अझै पनि उनको घरमै छिन् ।

प्रकाशित मिति: आइतबार, फागुन १८, २०८१  १३:०७
प्रतिक्रिया दिनुहोस्
Weather Update