Paschim Express
सिद्धनाथ माविको ५० औं बार्षिकोत्सव तथा स्वर्ण जयन्ती समारोह उद्घाटन

डडेल्धुरा । डडेल्धुराकाे परशुराम नगरपालिका- ६ स्थित सिद्धनाथ माध्यमिक विद्यालय चन्दनीको ५० औं बार्षिकोत्सव तथा स्वर्ण जयन्ती समारोहको उद्घाटन भएको छ । विद्यालय व्यवस्थापन समिति अध्यक्ष खगेन्द्र बहादुर सिंहको अध्यक्षतामा सम्पन्न भएको उक्त समारोहमा नेपाल सरकारका पूर्व भौतिक पूर्वाधार विकास मन्त्री तथा नेपाली काँग्रेसका सूदुरपश्चिम प्रदेश सभापती बिरबहादुर वलायर प्रमुख अतिथि रहेका थिए ।

481670818_1178263747292959_52137880582102365_n-1740910397.jpg
 

उद्घाटन समारोहमा अन्य विशिष्ट अतिथिहरूको उपस्थिति रहेको थियो, जसमा नेपाल सरकारका सूदुरपश्चिम प्रदेश सामाजिक विकास मन्त्री मेघराज खड्का, परशुराम नगरपालिकाका नगर प्रमुख भरत वडायर जोशी, उप प्रमुख बिमला कुमारी बोहरा महता, संविधानसभा सदस्य नरभान कामी, र परशुराम नगरपालिकाका पूर्व नगर प्रमुख तथा काँग्रेस डडेल्धुरा सभापति भिमबहादुर साउद रहेका थिए ।

स्वर्ण जयन्तीको अवसरमा विभिन्न प्रतियोगिता र कार्यक्रमहरूको आयोजना पनि गरिनेछ । सूदुरपश्चिम प्रदेशस्तरीय खुला पुरुष भलिबल प्रतियोगिता, परशुराम नगरपालिका माबि स्तरीय हाजीरी जवाफ प्रतियोगिता, महिला देउडा प्रतियोगिता लगायतका प्रतियोगिताहरू सञ्चालन गरिनेछन् । 

475688331_581804981573342_5575229283312914515_n-1740910414.jpg
 

स्वर्ण जयन्तीको अवसरमा शिक्षा क्षेत्रका विभिन्न व्यक्तिहरू, कार्यालयहरू, जमिनदाता, चन्दादाता, अक्षयकोषदाता लगायतलाई सम्मान गरिने कार्यक्रम पनि आयोजित प्रधाध्यापक भट्टराईले जानकारी दिएका छन् ।

प्रकाशित मिति: आइतबार, फागुन १८, २०८१  १५:५९
प्रतिक्रिया दिनुहोस्
Weather Update