डडेल्धुरा । डडेल्धुराको अमरगढी–८ र नवदुर्गा–१ को संगमस्थल शैलेश्वरधाममा विश्वकल्याण विराट महायज्ञ आयोजना गरिने भएको छ ।

बिश्वशान्ति र देशशान्तिको कामना गर्दै शैलेश्वर महादेवमा आयोजना गरिन लागेको महायज्ञको व्यवस्थापनका लागि १२८ सदस्यीय मूल आयोजक समिति गठन गरिएको छ । मूल आयोजक समितिका अध्यक्ष तथा अमरगढी–७ का वडाध्यक्ष खडक बहादुर बोहराका अनुसार महायज्ञ चैत्र २० गतेदेखि सुरु हुनेछ ।

महायज्ञका प्रमुख ब्राह्मण जयप्रसाद जोशीले ५१ जना ब्राह्मणहरूले ११ दिनसम्म निरन्तर पूजा–आराधना गर्ने जानकारी दिए । उनका अनुसार महायज्ञमा १ हजार ८ कलश राखिने छ ।

धार्मिक तथा आध्यात्मिक महत्त्व बोकेको यस विराट महायज्ञले समाजमा सकारात्मक ऊर्जा प्रवाह गर्ने विश्वास गरिएको छ ।