बाजुरामा कर्णाली नदी किनारमा फसेका ८ जनाको उद्धार
बाजुरा । बाजुराको स्वामीकार्तिक खापर गाउँपालिका स्थित कर्णाली नदीमा माछा मार्न गएका युवक पुसे भण्डारीकाे आइतबार दिउँसो भीरबाट लडेर मृत्यु भएकाे थियाे । उद्धारको प्रयासमा ८ जना स्थानीय र सुरक्षाकर्मी रातभर भीरको तल कर्णाली नदीको किनारमा रोकिएका थिए ।
सोमबार बिहान ११ बजे हिमाली गाउँपालिकाको धुलाचौरबाट र्याप्टिङ ल्याएर सबैको सकुशल उद्धार गरिएको प्रहरी निरीक्षक देव बहादुर चौधरीले जानकारी दिए । र्याप्टिङको सहायताले शव पनि घटनास्थलबाट निकालिएको र कानुनी प्रक्रिया पूरा गरेर मृतक भण्डारीको शव आफन्तलाई बुझाइएको छ ।
प्रहरी निरीक्षक चौधरीका अनुसार हिजो साँझ राति भइसकेको र भीरबाट शव ल्याएर फर्किन सकिने अवस्था नभएकाले उनीहरु घटनास्थलमै बास बसेका थिए ।
प्रकाशित मिति: सोमबार, फागुन २६, २०८१ १४:५०
प्रतिक्रिया दिनुहोस्
थप समाज
साताको लोकप्रीय
