धनगढी । डडेल्धुरा सदरमुकाममा रहेको आइन्स्टाइन पब्लिक स्कुलले आफ्नो १०औं वार्षिकोत्सव र वैज्ञानिक अल्वर्ट आइन्स्टाइनको जन्मजयन्ती मनाएको छ । 

शुक्रबार विभिन्न कार्यक्रम गर्दै वार्षिकोत्सव र जन्मजयन्ती मनाइएको विद्यालयले जनाएको छ । विद्यालयले सामाजिक सेवाअन्तर्गत डडेल्धुरा अस्पतालमा रहेका बिरामीहरूलाई फलफूल वितरण गरेको जनाएको छ । 

यस्तै, महेन्द्र माबि खलंगा डडेल्धुरा र जनज्योती प्राबि डडेल्धुरामा दलित, गरिब तथा जेहेन्दार विद्यार्थीलाई शैक्षिक सामग्री वितरण गरेको विद्यालयले जनाएको छ ।

यस्तै विद्यालयमा आयोजना गरिएको कार्यक्रममा उत्कृष्ट अभिभावक, शिक्षक, कर्मचारी लगायत विद्यार्थीलाई संस्कृतिक कार्यक्रमकाबीच प्रमाणपत्रसहित सम्मान गरिएको जनाइएको छ ।