भासु भीरमा कार दुर्घटना हुँदा एक महिला घाइते
कैलाली । कैलालीको भासु भीरमा कार दुर्घटना हुँदा एक महिला घाइते भएकी छन् ।
जिल्लाको चुरे गाउँपालिका–५ मा पर्ने भासु भीरमा आइतवार बिहान सुदूूरपश्चिम प्रदेश ०१००२ च १०६२ नम्बरको कार अनियन्त्रित भएर दुर्घटना भएको हो । दुर्घटनामा कारमा सवार गोदावरी नगरपालिका–२ की २४ वर्षीया निर्मला नाथ घाइते भएकी प्रहरीले जनाएको छ। उनको अत्तरियामा उपचार भइरहेको छ ।
कार चालक गोदावरी नगरपालिका–२ बस्ने ४० वर्षीय धिरबहादुर महरासहित कारमा सवार अन्य तीन जना भने सकुशल रहेका जिल्ला प्रहरी कर्यालय कैलालीले जनाएको छ ।
प्रकाशित मिति: आइतबार, चैत ३, २०८१ १०:२२
प्रतिक्रिया दिनुहोस्
साताको लोकप्रीय
