डडेल्धुरा । डडेल्धुरामा एक दिवसीय बित्तीय सेवा र स्थानीय सरोकारवालासँग सहकार्य कार्यक्रम सम्पन्न भएको छ । यो कार्यक्रम रुडुुक र अक्सफाम नेपालको संयुक्त साझेदारीमा नेपालको राजनीतिमा महिला नेतृत्वकर्ताहरुको रुपान्तरित नेतृत्व परियोजना अन्तर्गत गन्याधुरा गाउँपालिका र अमरगढी नगरपालिकामा सञ्चालन भइरहेको छ ।

कार्यक्रमका प्रमुख अतिथि सुदूरपश्चिम सरकारकी सामाजिक विकास राज्यमन्त्री सरस्वती खड्काले उद्यमी महिलाहरुको लागि कृषि तथा वैकल्पिक उद्यमतर्फ थप आकर्षण बढेको बताइन् । उनले भनिन् , "प्रदेश सरकारसँग यस्ता कार्यक्रमहरू रहेका छन् र स्थानीय सरकार र संघसंस्थाहरूको सहकार्यले कार्यक्रमलाई सफल बनाउन मद्दत पुर्याउँछ ।"

गन्यापधुरा गाउँपालिका अध्यक्ष इन्द्र कार्कीले महिलाहरूको उद्यममा सहभागिताले सिंगो गाउँ र नगरलाई उद्यमी बनाउन मद्दत पुर्याउने विश्वास व्यक्त गर्दै, "महिला दिदीबहिनीहरूले निरन्तर उद्यमको कार्यलाई अघि बढाउँदै जाने छन् र हामी गाउँपालिकाले सधैँ सहयोग गर्नेछौँ," भने ।

कार्यक्रममा परियोजनाका कार्यक्रम संयोजक चन्द्रा शर्माले स्थानीय स्तरमा उद्यमी महिलाहरूसँग समन्वय गरेर उनीहरूको व्यवसाय प्रबर्धन र विस्तारका लागि कस्ता कानूनी प्रावधानहरू छन् भन्ने बारेमा छलफल भएको जानकारी दिइन् ।

कार्यक्रममा गन्याधुरा र अमरगढी नगरपालिकाका ३० जना महिला नेतृत्व मञ्चका सदस्यहरू, पालिका प्रमुख, वडा अध्यक्ष, महिला सहकारी र बित्तीय संस्थाका प्रतिनिधिहरू सहभागी थिए ।