डडेल्धुरा । डडेल्धुराको भागेश्वर गाउँपालिकाको प्रमुख प्रशासकीय अधिकृतमा लक्ष्मी दत्त भट्ट हाजिर भएका छन् । प्रमुख प्रशासकीय अधिकृत हर्ष रोक्काको सरुवापछि गाउँपालिका प्रमुख प्रशासकीय अधिकृतविहीन भएको थियो ।

प्रशासकीय नेतृत्व नहुँदा प्रशासनिक तथा आर्थिक कामकाजमा समस्या भइरहेको थियो । अब भट्टको नियुक्तिसँगै गाउँपालिका पुनः लयमा फर्किने विश्वास गरिएको छ । कार्यपालिका बैठक नबस्नाले नीति तथा नियम निर्माणमा अवरोध सिर्जना भएको थियो, जसले अब सहज हुने अपेक्षा गरिएको छ ।

भट्टसँग नगरपालिकाको प्रमुख प्रशासकीय अधिकृतको राम्रो अनुभव छ । यसअघि उनले कैलारी गाउँपालिकामा प्रमुख प्रशासकीय अधिकृतको रूपमा काम गरेका थिए ।