बझाङ । बझाङ जिल्लाका प्रमुख जिल्ला अधिकारी (सिडियो) परिवर्तन भएका छन् । ओम प्रसाद भट्टराईको गृह मन्त्रालय सरुवा भएसँगै कैलाश ठकुराठीलाई नयाँ प्रमुख जिल्ला अधिकारीका रूपमा पठाइएको छ ।

गृह मन्त्रालयको हालैको निर्णयअनुसार भट्टराईलाई सिंहदरबारस्थित मन्त्रालयमा तानिएको हो । उनको स्थानमा मन्त्रालयमै कार्यरत ठकुराठीलाई बझाङ पठाइएको छ । नयाँ सिडियोका रूपमा बझाङ आउने ठकुराठीले जिल्लामा प्रशासनिक नेतृत्वलाई प्रभावकारी बनाउने प्रतिबद्धता जनाएका छन्। 

डडेल्धुराकाे भागेश्वर गाउँपालिकास्थित रूपाल घर भएका ठकुराठीले विकास निर्माण, सुरक्षा व्यवस्था र सार्वजनिक सेवा प्रवाहलाई थप व्यवस्थित र प्रभावकारी बनाउने लक्ष्य लिएको जनाइएको छ ।