कञ्चनपुरमा ट्याक्टरमा स्कुटर ठोक्किँदा एक जनाको मृत्यु
कञ्चनपुर । कञ्चनपुरमा ट्याक्टरमा स्कुटी ठोक्किँदा एक जनाको मृत्यु भएको छ ।
जिल्लाको भीमदत्त नगरपालिका–११ बरेली टोलस्थित भित्री सडक खण्डमा म १ त १०२० नम्बरको ट्याक्टरमा सोही दिशातर्फ जाँदै गरेको सुदूरपश्चिम प्रदेश ०२–००३ प ६७३२ नम्बरको स्कुटर ट्याक्टरको पछाडी ठोक्किदाँ शनिवार एक जनाको मृत्यु भएको हो । मृत्यु हुनेमा स्कुटरको पछाडी सवार भीमदत्त नगरपालिका–११ का ४० वर्षीय प्रेम गिरी रहेको जिल्ला प्रहरी कार्यालय कञ्चनपुरले जनाएको छ।
दुर्घटनामा गिरी घाइते भएका र उनको उपचारको क्रममा मृत्यु भएको जनाइएको छ ।
स्कुटर चालक भीमदत्त नगरपालिका भुजेला बस्ने ४२ वर्षीय सन्तोष कुँवरलाई प्रहरीले नियन्त्रणमा लिई थप अनुसन्धान भईरहेको प्रहरीले जनाएको छ।
प्रकाशित मिति: आइतबार, चैत १०, २०८१ १०:४९
प्रतिक्रिया दिनुहोस्
थप समाज
साताको लोकप्रीय
