भारतमा अध्ययनरत डडेल्धुराका जोशी बेपत्ता
डडेल्धुरा । डडेल्धुराका एक विद्यार्थी भारतको उत्तरप्रदेशबाट बेपत्ता भएका छन् । अमरगढी नगरपालिका-८ निवासी नवराज जोशीका छोरा सुमन जोशी फागुन २८ गतेदेखि सम्पर्कविहीन भएका हुन् ।
रुड्की इन्स्टिच्युट अफ टेक्नोलोजी कलेजमा बीएस्सी एजी आठौँ सेमेस्टरमा अध्ययनरत जोशी होस्टेलमा बस्दै आएका थिए । उनी होस्टेलबाट बाहिर गएकोपछि बेपत्ता भएको उनका मामा लबदेव जोशीले जानकारी दिए ।
उनको खोजीमा परिवार तथा भारतीय प्रहरीले सक्रियता देखाए पनि हालसम्म कुनै सुराग फेला परेको छैन । परिवारले नेपाल सरकार र भारतमा रहेका नेपाली समुदायलाई समेत सहयोगको लागि आग्रह गरेका छन् ।
उनका बुवा पछिल्ला १५ दिनदेखि भारतमै रहेर छोराको खोजीमा छन्।
प्रकाशित मिति: बुधबार, चैत १३, २०८१ १०:२८
प्रतिक्रिया दिनुहोस्
थप समाज
साताको लोकप्रीय
