धनगढी । उपभोक्तालाई खसीको भन्दै बाख्राका मासु बेच्ने एक व्यक्ति पक्राउ परेका छन् । डडेल्धुराको अमरगढी नगरपालिका–५ तुफानडाँडामा रहेको एमबी मासु पसलका सञ्चालक ४५ वर्षीय मानबहादुर बोहरालाई प्रहरीले पक्राउ गरेको हो । 

जिल्ला प्रहरी कार्यालयका प्रहरी नायब उपरीक्षक सुगन्ध श्रेष्ठका अनुसार मासु पसलमा बाख्राको मासु मिसावट गरेर बिक्री हुँदै आएको गुनासोका आधारमा प्रहरी टोली बोहराको मासु पसलमा पुगेको थियो । ‘बाख्रा काटिरहेको अवस्थामा बोहरालाई पक्राउ गरेका छौं,’ उनले भने, ‘३१ किलोको काटेको बाख्रा पनि बरामद गरेका छौं ।’

जिल्ला सदरमुकाम अमरगढीमा व्यवसाय गर्दै आएका बोहरा अजयमेरु गाउँपालिका– २ का बासिन्दा हुन् ।