डडेल्धुरा । नेकपा एमाले अध्यक्ष केपी शर्मा ओलीको डडेल्धुरामा मोटरसाइकल र्यालीले स्वागत गरिदै छ । आज(बुधबार) मध्यपहाडी लोकमार्ग अभियानको सुरुवात गर्न बैतडी जान लागेका अध्यक्ष एवं पूर्व प्रधानमन्त्री ओलीलाई भातकाँडामा स्वागत गर्दै अनारखोली बजारसम्म मोटरसाईकल र्यालीले स्कटिंग गरिने नेकपा एमाले डडेल्धुरा संयोजक गजेन्द्रबहादुर शाहीले जानकारी दिए ।
‘अध्यक्ष ओली बुधबार मध्यान्ह १२ः०० बजे भातकाँडा आइपुग्ने कार्यक्रम तय भएको छ’ उनले भने, ‘भातकाँडा बजारमा स्वागत गरेपछि अनारखोली बजारसम्म मोटरसाईकल र्यालीको आयोजना गर्ने तयारी गरेका छौं ।’
बिहिबार बैतडीबाट फर्किएपछि ओलीलाई अमरगढी नगरपालिका७ को पोखरा बजारबाट स्वागत स्वागत गरिने छ । बिहिबार राति डडेल्धुरामा बस्ने कार्यक्रम रहेको उनले जानकारी दिए । उनका अनुसार शुक्रबार बिहान एतिहासिक अमरगढी ढुंगे किल्लाको अवलोकन भ्रमण गर्ने कार्यक्रम रहेको छ ।
