बैतडी । बैतडीमा जारी प्रधानमन्त्री कप पुरूष एकदिवसीय राष्ट्रिय क्रिकेट प्रतियोगिताकाे सुदूरपश्चिम प्रदेशस्तरीय छनाैटमा डाेटीले सुखद शुरूवात गरेकाे छ ।
सुखद शुरूवात गर्ने क्रममा डाेटीले दार्चुलालाई ८ विकेटले हरायाे। जितका लागि पाएकाे ८२ रनकाे सामान्य लक्ष्य डाेटीले १७ ओभरमा २ विकेटको क्षतिमा पूरा गर्याे ।
जसमा हृदय विठारीले अविजित २७ र अनुराग सिंहले २० रनकाे याेगदान गरे। हृदय म्यान अफ द म्याच चुनिएका स्काेरर नरेन्द्र चन्दले बताए। दार्चुलाका विरेन बमले २ विकेट हात पारे ।
यसअघि दशरथचन्द क्रिकेट मैदान,सुन्दरखालीमा टस जितेर ब्याटिङ गरेकाे दार्चुला ३०.४ ओभरमा ८१ रनमा समेटियाे। उसका विपिन धामीले सर्वाधिक १६ रन बनाए ।
डाेटीका सुर्य श्रेष्ठ र आयुस द्वारियाले समान ३/३ विकेट हात पारे। जितसंगै डाेटीले क्वालिफायर हुने सम्भावना राखेकाे छ भने दाेस्राे खेलमा पनि पराजय ब्यहाेरेकाे दार्चुलाकाे सम्भावना करिब सकिएकाे छ । प्रतियोगिता अन्तरगत भाेलि बझाङ र दार्चुला भिड्नेछन् ।
सुदूरपश्चिम प्रादेशिक क्रिकेट संघकाे आयाेजना तथा बैतडी जिल्ला क्रिकेट संघको सहआयाेजनामा पुस ८ गतेदेखि प्रतियोगिता सञ्चालन भएकाे हाे ।
प्रादेशिक क्रिकेट संघले यसवर्षदेखि दुई चरणमा प्रदेश छनाैट गरिररहेकाे छ । पहिलाे चरणमा बैतडीमा प्लेट च्याम्पियनसिप भइरहेको छ। दाेस्राे चरणमा कैलालीमा ईलिट च्याम्पियनसिपका खेलहरू हुनेछन् ।
प्लेट च्याम्पियनसिपमा दार्चुला,बझाङ,डडेल्धुरा,डाेटी तथा ईलिट च्याम्पियनसिपमा बैतडी, कैलाली, कञ्चनपुर र अछाम सहभागी छन् ।
गतवर्षकाे प्रदेश छनाैटमा सेमिफाइनल पुगेका टाेलीले साेझै ईलिट च्याम्पियनसिप र सेमिफाइनलमा नपुगेका टाेलीले प्लेट च्याम्पियनसिप खेल्न लागेका हुन्।
प्लेट च्याम्पियनसिपकाे विजेता टाेलीले ईलिट च्याम्पियनसिपमा सहभागी हुने सुदूरपश्चिम प्रादेशिक क्रिकेट संघका उपाध्यक्ष रमेश बाेहराले बताए ।
ईलिट च्याम्पियनसिपकाे उद्घाटन खेलमा पुस १४ गते बैतडी र प्लेट च्याम्पियनसिपकाे विजेता टाेलीबीच खेल हुनेछ। खेलाडीहरूकाे क्षमता अभिबृद्धिका प्लेट र ईलिट च्याम्पियनसिपकाे आयाेजना गरिएको नेपाल क्रिकेट संघ क्यानका अध्यक्ष चतुरबहादुर चन्दले बताए ।
