सुदूरपश्चिमका मन्त्री साउँदविरूद्व प्रहरीमा उजुरी, ज्यान मार्ने धम्की दिएकाे आराेप
काठमाडाैं । सुदूरपश्चिम प्रदेशका सामाजिक विकास मन्त्री झपटबहादुर साउँदबाट असुरक्षा भएकाे भन्दै प्रहरीमा उजुरी परेकाे छ ।
बझाङकाे बुंगल नगरपालिका-१ का धनबहादुर बाेहराले मन्त्री साउँदले ज्यान मार्ने धम्की दिएकाे भन्दै साेमबार जिल्ला प्रहरी कार्यालय कैलालीमा उजुरी दिएका हुन् ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी ) कुलदिप चन्दले बाेहराले साउँदले आफूलाई ज्यानकाे धम्की दिएकाे भन्दै उजुरी परेकाे जानकारी दिए । उनकाअनुसार बाेहराले साउँदलाई विभिन्न मितिमा पैँसा दिएकाे तर फिर्ता माग्दा उल्टै ज्यान मार्ने धम्की दिएकाे उल्लेख गरेका छन् ।
मन्त्री साउँदले भने आफूविरूद्व बाेहराले उजुरी दिएकाे विषयमा जानकारी नभएकाे बताए । त्यसबारे आफू बुझिरहेकाे बताउँदै साउँदले उनीसँग कुनै लेनदेन नभएको बताए ।
प्रकाशित मिति: मंगलबार, माघ १६, २०८० ११:००
प्रतिक्रिया दिनुहोस्
साताको लोकप्रीय
