डडेल्धुरा अस्पतालमा निशुल्क स्वास्थ्य शिविर हुँदै
डडेल्धुरा । डडेल्धुरा अस्पतालमा निशुल्क स्वास्थ्य शिविर सञ्चालन हुने भएको छ । काठमाडौं मेडिकल कलेजले माघ २५ गते निशुल्क स्वास्थ्य शिविर सञ्चालन गर्ने भएको हो ।
मेडिकल कलेजले अमरगढी नगरपालिका र डडेल्धुरा अस्पताललाई पत्र पठाउँदै २५ गते शिविर सञ्चालन गर्ने र त्यसमा समन्वय गरिदिन आग्रह गरेको छ ।
शिविरमा जनरल मेडिसिन सेवासंगै मुटुरोग सेवा (इकोसहित), प्रसुती तथा स्त्रिरोगका बिरामीको पनि उपचार हुने काठमाडौं मेडिकल कलेजले जनाएको छ ।
यस्तै बालरोग, शल्यक्रिया, मानसिक तथा नशा रोग, हाडजोर्नी, छाला तथा यौन, नाक, कान तथा घाँटी र दन्त रोग सम्बन्धी बिरामीको पनि उपचार हुने जनाइएको छ ।
यस्तै आँखा परीक्षणसंगै उपचार तथा भिडियो एक्सरे र प्रयोगशाला परीक्षणको पनि सेवा सञ्चालन हुने बताइएको छ ।
प्रकाशित मिति: आइतबार, माघ २१, २०८० १५:०५
प्रतिक्रिया दिनुहोस्
थप स्वास्थ्य
साताको लोकप्रीय
